Wadudu waharibifu wanaoshambulia miti aina ya leucaena waitwao leucaena psyllid wamo katika kundi la wadudu lijulikanalo na wengi kama chawa wanaorukaruka wapatikanao katika mimea.  Asili yake ni Amerika ya Kati na Amerika Kusini, chimbuko la miti ya leucaena.  Mdudu huyo hata akiwa mkubwa hawezi kuonekana kwa macho.  Ana urefu wa karibu milimita mbili na rangi ya manjano.   Hutaga mayai katikati ya majani yanayochipuka kwenye ncha ya mti.  Mayai huchukua muda wa kati ya siku 10 na 12 kuwa funza, viluwiluwi na hatimaye mdudu aliyekomaa.
Mdudu huyo hupatikana sana kwenye miti michanga ya leucaena ambapo mayai, viluwiluwi wasio na mabawa na wadudu waliokomaa wenye mabawa hupatikana kwa pamoja.  Barani Afrika, mdudu huyo hupatikana katika maeneo ambapo miti aina ya leucaena hukuzwa, hasa katika Burundi, Ethiopia, Kenya, Malawi, Mauritius, Msumbiji, Reunion, Tanzania, Uganda na Zambia.

Jamii ya miti ya leucaena ina aina karibu 10 tofauti za mmea huo.  Ni mti ambao una matumizi mengi.  Ingawa njia thabiti kukabiliana na mdudu huyo mharibifu haijapatikana, wakulima na watu wenginc waliopanda leucaena hawafai kuing'oa kwa sababu kinga kamili inatafutwa bado. Wadudu wawezao kumla mdudu huyo anayeharibu leucaena wanatathminiwa.  Kadhalika, aina ya miti ya leucaena isiyoweza kuharibiwa na wadudu hao inachunguzwa.  Ye yote anayegundua kwamba mdudu huyo amerahibu mimea hiyo anaweza kuripoti na atasaidiwa ipasavyo akiwasiliana na:

Kwa sababu si rahisi kumwona mdudu huyo kwa macho, hudhihirika yupo madhara aliyoyasababisha mitini yakianza kuonekana.  Wadudu waliokomaa pamoja na viluwiluwi hudhuru miti ya leucaena kwa kufyonza utomvu kutoka kwa miti na matawi yanayochipuka, majani na maua.
Matokeo yake huwa ni kudhoofika na kukwajuka kwa majani.  Kwa kawaida, majani kwenye mimea inayochipuka yakivamiwa, huharibiwa kabisa.  Wakati mwingine, wadudu hao husababisha kukauka kabisa kwa mmea wanaouvamia.